Túrkistan oblysynda áleýmettik mańyzy bar azyq-túlik baǵasyn turaqtandyrý sharalary júrgizilýde

TÚRKІSTAN. QazAqparat - Túrkistan oblysynda «Áleýmettik mańyzy bar azyq-túlik taýarlarynyń baǵasyn turaqtandyrý» is-sharalar jospary bekitildi. Atalǵan taýarlardyń baǵasynyń negizsiz ósýine jol bermeý maqsatynda oblys ortalyǵynda halyq kóp shoǵyrlanǵan saýda núkteleri men shaǵyn aýdandarda aýyl sharýashylyǵy jármeńkeleri uıymdastyrylmaq, dep habarlaıdy QazAqparat tilshisi.

Oblys ákimdiginiń málimetinshe, Túrkistan qalasynda áleýmettik mańyzy bar azyq-túlik taýarlaryna baǵa ındeksi 110,8%-dy quraǵan. Bul kórsetkish boıynsha Túrkistan oblysynyń ortalyǵy elimizdegi qalalardyń arasynda 17-orynda.

Aǵymdaǵy jyldyń III toqsanynda bekitilgen shekti baǵalardan 15% - ǵa joǵary áleýmettik mańyzy bar azyq-túlik taýarlarynyń 4 túri boıynsha ósim boldy. Olardyń ishinde, kúnbaǵys maıy - 773 teńge 47,0% - ǵa (shekti baǵasy 526 tg), basty pııaz - 85 teńge 49,1% – ǵa (shekti baǵasy 57 tg), kartop-75,3%-ǵa 163 teńge (shekti baǵasy 93 tg), sábiz-251 teńge 122,1% - ǵa (shekti baǵasy 113 tg).

Joǵaryda kórsetilgen áleýmettik mańyzy bar azyq-túlik taýarlary baǵasynyń III toqsanda shekti baǵadan 15%-ǵa ósýine baılanysty naqty sharalar bekitilip, jármeńkeler ótkizilmek.