Túrkistan oblysynda alaıaq munaı kompanııasyna jumysqa turǵyzamyn dep 10 adamdy aldaǵan
TÚRKІSTAN. QazAqparat – Túrkistan oblysynda alaıaqtyq jasaǵan degen kúdikpen qyzylordalyq turǵynǵa qatysty qylmystyq is qozǵaldy, dep habarlaıdy QazAqparat tilshisi.
Alaıaq Saryaǵash aýdanynyń turǵyndaryn Atyraýǵa jumysqa turǵyzamyn dep aldap soqqany anyqtaldy.
Túrkistan oblystyq PD baspasóz qyzmetiniń málimetinshe, kúdiktini ustaýǵa Saryaǵash aýdany turǵyndarynyń aryzy negiz bolǵan. Olar «Atyraý oblysyndaǵy kompanııalardyń birine jumysqa ornalastyrýǵa ýáde berip, aqsha alyp ketken alaıaqtyń qurbany bolǵany jóninde shaǵymdanǵan. Saryaǵash aýdandyń polıtsııa bóliminiń qyzmetkerleri kúdiktini qolǵa túsirdi. Ol Qyzylorda oblysynyń turǵyny bolyp shyqty. Tergeý barysynda seziktiniń osyndaı 10 alaıaqtyq oqıǵaǵa qatysy bary anyqtaldy.
«Kúdikti jábirlenýshilerdiń senimine kirip, jumys suraǵan adamdardyń árqaısysynan 150-180 myń teńge aralyǵyndaǵy aqsha alyp otyrǵan. Artynsha izin sýytqan. Jábirlenýshilerge keltirilgen shyǵynnyń jalpy somasy eki mıllıon teńgege jýyqtaıdy. Qazirgi ýaqytta atalǵan jaıttar boıynsha »Alaıaqtyq« babymen sotqa deıingi tergeý amaldary júrgizilýde» delingen habarlamada.
Dál osyndaı oqıǵa Saıram aýdanynda qaıtalandy. Onda kúdikti áleýmettik kómek alýǵa kómektesemin degen jalǵan ýádemen jábirlenýshilerdiń 100 myń teńgesin jymqyryp ketken. Tártip saqshylary jergilikti turǵyndy qolǵa túsirdi, qazir sotqa deıingi tergeý amaldary júrgizilýde.
