Túrkistan oblysynda alaıaq áıel 41 adamdy aldap soqqan
ShYMKENT. QazAqparat - Túrkistan oblysynda alaıaq áıel 40-tan astam turǵyndy aldap soqqan. Memlekettik baǵdarlama aıasynda qomaqty qarjy alyp beremin degen ol jábirlenýshilerge1,5 mıllıon teńgege jýyq zalal keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, naýryz aıynda Túrkistan qalasynda turatyn jergilikti turǵyn polıtsııaǵa aryzdanǵan. Ol tanys bir kelinshektiń aldap aqshasyn alyp, qaıtarmaı júrgenin kórsetken. Dál osyǵan uqsas aryzdar taǵy onshaqty adamnan túsken.
«Qylmysty ashý maqsatynda Túrkistan oblystyq PD Krımınaldyq polıtsııa basqarmasynyń qyzmetkerleri jedel-izdestirý sharalaryn ótkizip, nátıjesinde Túrkistan oblysynyń jumyssyz júrgen jergilikti turǵyny ustaldy. Polıtseılerdiń anyqtaýy boıynsha, alaıaq áıel «jumysqa ornalastyryp beremin» nemese «memleketten qarjy alyp beremin» degen jalǵan ýáde berip kelgen. Sóıtip adamdardyń aqshalaryn alyp otyrǵan» delingen habarlamada.
Qazirgi ýaqytta atalǵan jaıt, QR QK-niń 190-baby «alaıaqtyq» boıynsha SDTBT-ne tirkeýge alynǵan. Seziktige qatysty jınaqtalǵan málimetterdiń barlyǵy sotqa joldandy.
