Túrkistan oblysynda Ál-Farabı týraly derekti fılm túsirilýde
TÚRKІSTAN. QazAqparat - Túrkistan oblysynyń ákimi Janseıit Túımebaev belgili kınorejısser, Qazaqstannyń eńbek sińirgen qaıratkeri Sergeı Ázimov pen fılosofııa ǵylymdarynyń doktory, professor Jaqypbek Áltaevpen kezdesti. Basqosýda qonaqtar Túrkistannyń tarıhı mańyzdylyǵy men róli jaıynda sóz órbitti, dep habarlaıdy QazAqparat tilshisi.
Oblys basshysy qonaqtarǵa Túrkistandy túletýge baǵyttalǵan oı-pikir, jobalardy birlesip iske asyrý qajettigin aıtty. Óz kezeginde rejısser Sergeı Ázimov qazirgi tańda Otyrar aýdanynda ǵulama ǵalym Ál-Farabı haqynda derekti fılm túsirip jatqanyn jetkizdi. Aldaǵy ýaqytta Túrkistan qalasy men ıAsaýı jaıynda týyndylar jasaýǵa nıetti ekenin bildirdi. Onda ıAsaýı babamyzdyń balalyq shaǵynan bastap, tulǵa retinde qalyptasýy jáne sol kezdegi ıAssy óńiri jaıly tarıhı týyndyda ǵulamanyń qalyptastyrǵan ilimi, mektebi, shyǵarmalary qamtylatyn bolady. Sondaı-aq, osy kúngi Túrkistanmen baılanystyryp, kúlli túrkiniń ordasyna aınalǵan Turannyń tarıhy qamtylady.
Kezdesýde ǵalym Jaqypbek Altaıuly Túrkistannyń tarıhyna arnalǵan halyqaralyq ǵylymı jıyndardy uıymdastyrý qajettigin alǵa tartty.
