Túrkistan oblysynda ákesiniń kóligin aıdap ketken bala apatqa uryndy

TÚRKІSTAN. QazAqparat – Túrkistan oblysyndaǵy Qazyǵurt aýdanynda bala ákeiniń kóligin aıdap ketken. Artynsha jol kólik apatyna urynǵan, dep habarlaıdy QazAqparat oblystyq PD baspasóz qyzmetine silteme jasap.

4 jeltoqsanda saǵat 16:30 shamasynda Qazyǵurt APB-niń patrýldik polıtseıleri jol qozǵalysy qaýipsizdigin qamtamasyz etý kezinde «VAZ- 21214» markaly avtokóligin jasy kámeletke tolmaǵan júrgizýshi basqaryp kele jatqanyn baıqaıdy.

Toqtatyp, mánjaıdy anyqtamaqshy bolǵanda avtokólik baǵdarshamnyń qyzyl belgisine toqtamastan, qarsy baǵyttaǵy kólikterdi basyp ozyp, oqıǵa ornynan boı tasalaǵan.

Jol erejesin buzǵan avtokólikke polıtseıler «avtokólikti toqtat» degen eskertý bergen. Alaıda júrgizýshi polıtsııa qyzmetkerlerinen qashyp, avtokólikti qatty jyldamdyqpen basqarǵan kúıde temir qorshaýǵa soqtyqqan. Saldarynan avtokólikti basqarǵan

jasy kámeletke tolmaǵan bala ár túrli jeńil dárejeli dene jaraqattarymen Qazyǵurt aýrýhanasyna jetkizildi.

Tártip saqshylarymen oqıǵa tolyqqandy tekserilý barysynda balanyń basqarǵan «VAZ-21214» markaly avtokóligi Qazyǵurt aýdanyndaǵy JShS-niń birine tıesili ekeni anyqtaldy. Ony jasóspirimniń ákesi basqaryp júrgen. Ol avtokólikti jumys ornyndaǵy avtoturaqqa qoıǵan. Alaıda uly kólikti ruqsatsyz, zańsyz aıdap ketkeni belgili boldy. Búgingi tańda QR QK 200-baby 1 bóligimen sotqa deıingi tergep-tekserý júrgizilýde.

Avtokólik avtoturaqqa qoıyldy.