Túrkistan oblysynda akademııa túlekterine shen tapsyryldy
TÚRKІSTAN. QazAqparat - Túrkistan oblysynda Almaty akademııasyn bitirip kelgen túlekterge shen tapsyrý rásimi ótti. 40-tan astam kýrsant polıtsııa leıtenanty atandy, dep habarlaıdy QazAqparat tilshisi.
QR ІІM M.Esbolatov atyndaǵy Almaty akademııany aıaqtap, dıplomdaryn qoldaryna alǵan túlekterge shen tapsyrý rásimi karantın talaptaryn saqtaı otyryp, ótkizildi. Oblystyq Polıtsııa departamentiniń bastyǵy, polıtsııa general-maıory Qaırat Dálbekov jas mamandarǵa sáttilik tiledi.
«Búgin sizder qaýipsizdik pen turǵyndardyń tynysh uıqysyn qamtamasyz etetin jaýapty qyzmetker atanyp otyrsyzdar. Bul siderdiń úlken qýanyshtaryńyz. Sizder búginnen bastap polıtseısizder. Iyqtaryńyzǵa taǵylǵan juldyzsha ózindik jaýapkershilikti júkteıdi. Sondyqtan aldaǵy ýaqytta qyzmetterińizge tek sáttilik tileımin. Árqashan Otanymyz Qazaqstan úshin adal eńbek etip, bıik belesterdi baǵyndyra berińizder! Qylmys sanynyń azaıýy men turǵyndardyń amandyǵy jolynda kúsh-qýattaryńyz arta bersin. Elim, jerim deıtin patrıot polıtseı bolyńyzdar!» - dedi TO PD bastyǵy polıtsııa general-maıory Qaırat Dálbekov.
Shara sońynda shen taqqan jas leıtenanttar sap túzep, sherý ótkizdi.
