Túrkistan oblysynda aǵyn sýdan jańa týǵan náresteniń denesi tabyldy
SAIRAM. QazAqparat – Túrkistan oblysy Saıram aýdandyq polıtsııa bólimine aǵyn sýdan jańa týǵan náresteniń denesi tabylǵany týraly aqparat túsken, dep habarlaıdy QazAqparat tilshisi.
Polıtseıler oqıǵa ornyna dereý jetken. Jaqyn mańdaǵy aýmaqty tekserip, kýágerlermen suhbat júrgizdi. Jedel-izdestirý jumystarynyń nátıjesinde bir táýlik ishinde kúdiktiniń – shaqalaqtyń anasynyń jeke basy anyqtaldy. Ol jergilikti turǵyn bolyp shyqty.
Atalǵan jaıtty polıtseıler QR QK-niń 100-baby «Jańa týǵan sábıdi anasynyń óltirýi» boıynsha tirkedi. Saraptama taǵaıyndalyp, sotqa deıingi tergeý amaldary júrgizilýde. Oqıǵanyń barlyq mán-jaıy tergeý barysynda anyqtalady.
