Túrkistan oblysynda aǵymdaǵy jyly 63 mekteptiń qurylysy júrgizildi
TÚRKІSTAN. QazAqparat – Túrkistan oblysynda aǵymdaǵy jyly 63 mekteptiń qurylysy júrgizilip, 15-i paıdalanýǵa berilgen. Qurylysshylar oblysta taǵy alty nysannyń qurylysy jýyq arada aıaqtalatynyn aıtady, dep habarlaıdy QazAqparat tilshisi.
Sala mamandarynyń málimetinshe, oblys aýmaǵynda ornalasqan 900 memlekettik mekteptiń 727-i tıptik úlgide salynǵan. Al, 173-si yńǵaılastrylǵan bolsa, 52 ǵımaraty samandy mektep.
2025 jylǵa deıin 158 mekteptiń qurylysyn salý josparlanýda. 42 mekteptiń qurylysy 2021 jylǵa ótpeli.
Sondaı-aq, óńirde 7 apatty jáne 5 úsh aýysymdy mektep bar. Apatty jáne úsh aýysymdy mektepterdiń máselesin sheshý boıynsha jyl basynda keshendi jospar bekitilip, josparǵa sáıkes tıisti jumystar atqarylýda. Oǵan sáıkes, jańadan eki mektep paıdalanýǵa berilip, oblystaǵy apatty bilim uıalarynyń sany altyǵa azaıdy.
Úsh aýysymdy mektep te tórteý boldy. Búginde eki apatty mekteptiń ornyna jańa ǵımarattyń qurylysy bastalyp, keler jyly paıdalanýǵa berilmek. 2021-2023 jyldar aralyǵynda 4 apatty mekteptiń qurylysy sheshiledi dep josparlanǵan.
Aldaǵy bes jylda 180 bilim oshaǵy boı kóterse, tar mektepterdiń máselesi birshama sheshiledi deıdi sala basshylary.
