Túrkistan oblysynda aerofototúsirý jumystary bastaldy

TÚRKІSTAN. QazAqparat - Túrkistan oblysynyń aýmaǵyn aerofototúsirý jumystary bastaldy, dep habarlaıdy QazAqparat «Qazgeodezııa» RMQK-ge silteme jasap.

«AN-2 ushaǵy Túrkistan oblysynda aerofototúsirý jumystaryna kiristi. Túsirilim jasalatyn aýdan 922 sharshy shaqyrym.

Qalalar jáne eldi mekenderdi aerofototúsirý jumysynyń maqsaty - 1:2000 masshtabty topografııalyq-geodezııalyq tsıfrlyq aýqymdaý», - delingen kásiporynnyń Feısbýktegi paraqshasynda.

Aıta keterligi, QR Aýyl sharýashylyǵy mınıstrligi Jer resýrstaryn basqarý komıtetiniń «Qazgeodezııa» RMQK respýblıkanyń aýmaǵyn jergilikti jerlerdiń zamanaýı jaǵdaıyna saı keletin topografııalyq geodezııalyq jáne kartografııalyq ónimdermen qamtamasyz etý maqsatynda qurylǵan.