Túrkistan oblysynda Ádep kodeksin saqtamaǵan ákim partııa qatarynan shyǵaryldy
Qarasý aýyldyq okrýgi ákiminiń E.Bekberdıevtiń jaýapkershiligi partııanyń atalǵan aýdandyq fılıaly Saıası keńesi Bıýrosynyń májilisinde qaraldy, dep habarlaıdy QazAqparat tilshisi.
Belgili bolǵandaı, Qarasý aýyldyq okrýginiń ákimi sońǵy 6 aıda «Ákimshilik quqyqbuzýshylyq týraly» kodeksiniń talaptaryn saqtamaǵany úshin 2 ret ákimshilik jaýapqa tartylǵan. Sondaı-aq, oǵan qatysty ózine júktelgen mindetterdi tıisti dárejede oryndamaý men Qazaqstan Respýblıkasy memlekettik qyzmetshileriniń Ádep kodeksi talaptaryn saqtamaǵany úshin «sógis», «qyzmetine tolyq sáıkes emestigi týraly eskertý» túrinde eki tártiptik shara qoldanylǵan.
Atap aıtqanda. Saıram aýdandyq prokýratýrasy tarapynan júrgizilgen taldaý nátıjesimen aýyl ákimi jańa formattaǵy ataýly áleýmettik kómekke muqtaj retinde ótinish bildirgen 851 kópbalaly jáne az qamtylǵan otbasynyń ótinishterin 2019 jyldyń sáýir aıynan bastap shilde aıyna deıin sebepsiz jumyspen qamtý ortalyǵyna joldamaǵan. ıAǵnı, 7 jumys kún ishinde joldanýy tıis qujattar 4 aıǵa jýyq joldanbaı, kómekke muqtaj otbasylardyń máselelerine nemquraılyq tanytqan.
Budan bólek, turǵyndar tarapynan E.Bekberdıev pen ákimdik apparatynyń jumysyna qatysty 10 aryz-shaǵym túsken. Májilis qorytyndysy boıynsha Qarasý ákimi «Nur Otan» partııasynyń múshesi bolýǵa laıyqty emes degen sheshim qabyldandy.