Túrkistan oblysynda adasyp ketken boıjetken Qaskeleńnen tabyldy
TALDYQORǴAN. QazAqparat - Almaty oblysynyń polıtseıleri Túrkistan oblysynda iz-túzsiz joǵalyp ketken syrqat qyzdy Qaskeleńnen taýyp, jaqyndaryna tabystady, dep habarlaıdy QazAqparat tilshisi.
«Kóktemde Túrkistan oblysynda iz-túzsiz joǵalyp ketken 26 jastaǵy qyz Qarasaı aýdanynyń aýmaǵynan tabylyp, aman-esen ata-anasyna tabystaldy», - delingen Almaty oblysy PD baspasóz qyzmeti taratqan habarlamada.
Polıtsııa Qaskeleń qalasynyń kóshesinde júris-turysy kúdik týdyrǵan boıjetkendi baıqaǵan. Onyń aty-jónin aıta almaıtyn naýqas jan ekeni anyqtalyp, aýdandaǵy pansıonattardyń birine jetkizilgen.
«Alǵash kórgende qatty sharshaǵan, emotsıonaldyq jaǵdaıy nashar bolǵandyqtan pansıonatqa apardyq. Іzdeý bazalary arqyly onyń sýretin taratyp, turǵylyqty mekenjaıyn anyqtaýǵa tyrystyq. Nátıje bolmady. Eki kúnnen keıin kelip, qaıta-qaıta aty-jónin suraý kezinde ol aty men teginiń alǵashqy áripterin ǵana aıta aldy»,- dedi Qarasaı aýdany Polıtsııa basqarmasy KPB jedel ýákili Aıdos Sadyqov.
Joǵalǵan boıjetkenniń aty-jónin boljam boıynsha derekqorynan tekserildi. Kóktemde Túrkistan oblysynda 1994 jyly týǵan áıel adamnyń iz-túzsiz joǵalýyna baılanysty izdeý jarııalanǵany anyqtaldy.
Qarasaı aýdanynyń polıtseıleri ońtústiktegi áriptesterine habar berip, ata-anasy qyzdaryn alyp ketken.
Naýqasyna baılanysty aýladan shyǵyp ketip, úıin taba almaı qalǵan perzentin taýyp bergen aýdandyq polıtseılerge alǵys aıtty.
