Túrkistan oblysynda «Adal joldy tańdaımyz» estafetasynyń týy maqtaaraldyq jastarǵa tabystaldy

ShARDARA. QazAqparat – Túrkistan oblysynda «Adal joldy tańdaımyz» estafetasynyń týy Maqtaaral aýdanynyń jastaryna tabystaldy. «Túrkistan - Adaldyq alańy» Jobalyq keńsesimen bastaý alǵan jastar arasyndaǵy sybaılas jemqorlyqqa qarsy uıymdastyrylǵan marafon buǵan deıin shaǵalaly Shardara aýdanynda ótken bolatyn, dep habarlaıdy QazAqparat tilshisi.

Jastar arasynda ótken qorytyndylaý is-sharasy Shardara sý qoımasynyń jaǵalaýynda 400 - ge jýyq jastardyń qatysýymen ótti. Aýdanda alǵash ret ótken estafetany tabystaý rásimine kelgen qonaqtar aldymen aýdandyq murajaı jádigerlerimen, qylqalam sheberleriniń týyndylarymen tanysty. Ári qaraı shara aıasynda jaǵajaıda uıymdastyrylǵan fýtbol, voleıbol, balyq aýlaý, sýda júzý jáne jelkendi qaıyq ispetti sport oıyndaryn tamashalady. Іs - sharaǵa arnaıy qatysqan QR Sybaılas jemqorlyqqa qarsy is-qımyl Agenttiginiń (Sybaılas jemqorlyqqa qarsy qyzmet) Túrkistan oblysy boıynsha departamentiniń Saryaǵash aımaǵy boıynsha aýdandaralyq basqarmasynyń basshysy S.Jantóreev ótkizilip jatqan marafonnyń mańyzdylyǵyn atap, oǵan belsene qatysqan azamattarǵa Alǵys hattar tapsyrdy. Estafeta aıasynda Shardara aýdanynyń ákimi Q.Joldybaı sharany qortyndylap, týdy qabyldap alǵan maqtaaraldyq jastarǵa joǵary dárejede ótkizetinine senim bildirdi.

Aıta keteıik, marafon atalǵan departamentten bastaý alyp, ári qaraı Túrkistan, Kentaý qalalary men Sozaq, Báıdibek, Otyrar, Ordabasy, Saıram, Túlkibas, Tólebı jáne Shardara aýdandarynda ótti. Marafon aıasynda túrli baǵyttaǵy is-sharalar barlyq aýdan, qala jastarynyń belsendi qatysýymen uıymdastyryldy. Al, marafonnyń jeńimpazdaryn marapattaý rásimi 9-shy jeltoqsan Halyqaralyq jemqorlyqqa qarsy kúres kúni qarsańynda ótedi dep josparlanǵan.