Túrkistan oblysynda abaısyzda 2 bala mert boldy
NUR-SULTAN. QazAqparat - Túrkistan oblysyna qarasty Maqtaaral aýdanynda abaısyzda 2 bala mert boldy, dep habarlaıdy QazAqparat tilshisi.
QR ІІM Tótenshe jaǵdaılar komıtetiniń málimetinshe, eki oqıǵa da 29 sáýir kúni bolǵan. Atap aıtqanda, Myrzakent aýylynda 2012 jyly dúnıege kelgen bala abaısyzda «Dostyq» arnasyna qulap, sýǵa batyp ketken. Balanyń denesin qaıǵyly jaıtqa kýá bolǵandar sýdan alyp shyqqan.
«Ekinshi oqıǵa Dostyq aýylynda boldy. Úıde úlkenderdiń qaraýynsyz qalǵan 2 jasar sábı elektr rezetkisimen oınap, toq soqqan. Alǵan jaraqatynan sábı oqıǵa ornynda kóz jumdy», - dep atap ótedi komıtetten.
Osyǵan oraı QR ІІM Tótenshe jaǵdaılar komıteti aldaǵy ýaqytta mundaı qaıǵyly jaıttar oryn almaýy úshin azamattardy balalaryna qaýipsizdik negizderin úıretýge jáne balalardy eresekterdiń qaraýynsyz qaldyrmaýǵa, barynsha saqtyq tanytyp, balalardyń qaýipsizdigin qamtamasyz etýge, turmystyq qurylǵylar qosylatyn rezetkilerdi jaýyp qoıýǵa, balalardy qaraýsyz toǵanǵa, ózge sý qoımalaryna jibermeýge shaqyrady.
