Túrkistan oblysynda 941 saılaý ýchaskesi jumys isteıdi

TÚRKІSTAN. QazAqparat- Túrkistan oblysynda 941 saılaý ýchaskesi jumys isteıdi. Bul jaıynda Túrkistan oblystyq aýmaqtyq saılaý komıssııasynyń tóraǵasy Áýelhan Turǵymbekov málimdedi, dep habarlaıdy QazAqparat tilshisi.

Elimizde 19 naýryz kúni ótetin májilis pen máslıhat depýtattarynyń saılaýynda Túrkistan oblysy boıynsha 941 saılaý ýchaskesi jumys isteıdi.

Naýqannyń ashyqtyǵy men zańdylyǵyn baqylaý úshin oblys aýmaǵynda 318 okrýgtik saılaý komıssııasy quryldy. Jalpy óńirde qazirgi tańda 1 mln 177 myń adam daýys berý quqyǵyna ıe.
«Bıylǵy saılaýda ózgeris kóp. Májiliske depýtattar 70 paıyz partııalyq tizimmen ense, 30 paıyz majorıtarlyq tásilmen saılanbaq. Demek, uıymdar ne azamattar óz-ózin usyný arqyly májilis depýtaty bola alady. Sondaı-aq, máslıhatqa depýtattar 50 paıyz partııalyq tizimmen, 50 paıyz majorıtarlyq jolmen enbek. Al aýdan-qala máslıhattaryna 100 paıyz majorıtarlyq tásilmen saılanady», - dedi Áýelhan Turǵymbekov.