Túrkistan oblysynda 919 saılaý ýchaskesi jumys istep tur
Qazaqstan Respýblıkasy Prezıdentiniń kezekten tys saılaýy Túrkistan oblysynda da qarqyndy júrip jatyr. Daýys berýshilerdiń alǵashqy legi tańǵy saǵat 7-den saılaý ýchaskelerine kele bastady. Óńirde qazir 919 saılaý ýchaskesi úzdiksiz jumys istep tur.
Oblys ortalyǵy Túrkistan qalasynda 50 saılaý ýchaskesi bar. Sonyń biri - №880 saılaý ýchaskesinde elimizdiń ánurany shyrqalyp, saltanatty túrde ashyldy. Saǵat 7:00-de birinshi kelgen zeınetker men 18 jastaǵy saılaýshyǵa komıssııa tóraǵasy S.Mahambetova arnaıy syılyqtar tabystady. Jalyndy jasty tuńǵysh ret daýys berýge qatysyp jatqanymen quttyqtady. Sonymen qatar bata bergen zeınetker aqsaqalǵa dástúr boıynsha ıyǵyna shapan japty.
Túrkistan oblysynyń aýdan, qalalaryndaǵy turǵyndar da saılaýda óz tańdaýlaryn jasap, belsendilik tanytýda.
- Búgin - halqymyz úshin aıtýly kún. Bul saılaýdan úlken úmit, jaqsylyq kútemiz. Saılaý demokratııa talaptaryna saı ótip jatyr. Tańǵy jetiden bastap jumysqa kirisken saılaý komıssııasynyń quramy kelýshilerge qolaıly jaǵdaı jasap, turaqty mekenjaılaryna sáıkes qabyldaý sharalaryn júrgizýde, - deıdi maqtaaraldyq ardager ustaz Segizbaı Janysbaev.
Aıta ketý kerek, óńirde tań azanymen saılaý ýchaskelerinde daýys berýge kelgen turǵyndardyń qarasy kóp. El basshysyn anyqtaıtyn sharaǵa jergilikti turǵyndar belsendi túrde qatysyp jatyr. Bul kúni saılaýǵa birinshi bolyp kelip, daýys bergen aýyl azamattary, sondaı-aq alǵash ret saılaýǵa qatysqan azamattarǵa saılaý komıssııasy tarapynan syı-sııapat kórsetilýde.