Túrkistan oblysynda 900 myńǵa jýyq adam vaktsına saldyrdy

TÚRKІSTAN. QazAqparat – Túrkistan oblysynda 891 966 adam COVID-19 indetine qarsy vaktsına saldyrdy. Ekpeniń ekinshi komponentin 722 809 adam qabyldaǵan, dep habarlaıdy QazAqparat tilshisi.

Búginde óńirdiń 42401 turǵyny otandyq QazVac-ty saldyrǵan. Ózge turǵyndar reseılik «Spýtnık V», otandyq QazVac, Sinopharm kompanııasynyń HayatVax ekpesi men Qytaıdyń CoronaVac jáne Sinopharm kompanııasynyń Vero Cell vaktsınasyn qabyldaýda. Sońǵy táýlikte aımaqta 30 adamda COVID-19 indeti anyqtalyp, táýliktik ósim 0,21% quraǵan. Al, zerthanalarda 421 adam tekserilgen. Jalpy, pandemııa bastalǵaly Covid-19 ınfektsııasy rastalǵan 14 160 jaǵdaı tirkelip, olardyń 7328-de aýrý sımptomsyz ótken bolatyn.