Túrkistan oblysynda 870 túp esirtki tárkilendi

TÚRKІSTAN. QazAqparat- Túrkistan oblysynda 870 túp esirtki men ydystarǵa salynǵan marıhýana tárkilendi, dep habarlaıdy QazAqparat tilshisi.

«Qarasora-2022» jedel-profılaktıkalyq is-sharasy aıasynda Otyrar aýdany Bosaǵa aýyly mańyndaǵy alańda kezekti esirtki egistigi anyqtaldy.

QR ІІM Esirtki qylmysyna qarsy is-qımyl departamenti men QR Ulttyq qaýipsizdik komıteti, QR Ulttyq ulanynyń «Búrkit» arnaıy jasaǵy jáne Túrkistan oblysy polıtsııa departamentiniń polıtseıleri birlesip áreket etip, 850 túp ósip turǵan jáne 20 túp shabylǵan ósimdik, 5 dana ydystaǵy marıhýanaǵa uqsas esirtki zatyn tárkiledi.

«Atalǵan jaıt QR QK-niń 300-babynyń 2-bóligi «Quramynda esirtki zattary bar, ósirýge tyıym salynǵan ósimdikterdi zańsyz ósirý» boıynsha tirkeldi. Alynǵan zattaı dáleldemeler saraptamaǵa jiberildi. Ol zertteý qorytyndysyna sáıkes, jalpy salmaǵy 15 keliden asatyn «keptirilgen marıhýana» bolyp shyqty» delingen Túrkistan oblysy polıtsııa departamentiniń baspasóz qyzmeti taratqan habarlamada.

Jedel-izdestirý is-sharalarynyń nátıjesinde polıtsııa qyzmetkerleri Qyzylorda oblysynyń eki turǵynyn ustaǵan.

Qazirgi tańda atalǵan jaıt boıynsha sotqa deıingi tergeý amaldary júrip jatyr.