Túrkistan oblysynda 818 «Adaldyq dúkeni» jumys isteıdi
Bul týraly oblys ákimi Ómirzaq Shókeevtiń basqarýymen ótken jıynda aıtyldy, dep habarlaıdy oblys ákiminiń baspasóz qyzmeti.
Jemqorlyqqa qarsy kúresti kúsheıtý máselesi talqylanǵan basqosýda Memlekettik qyzmet isteri jáne sybaılas jemqorlyqqa qarsy is-qımyl agenttiginiń óńirdegi ókilderi, aýdan – qala ákimderi men basqarma basshylary qatysty.
«Transparency International úkimettik emes halyqaralyq uıymy júrgizgen zertteý nátıjeleri Qazaqstanda jemqorlyqpen kúreste oń ózgeristerdiń oryn alǵanyn kórsetken. Bul elimizdegi sybaılas jemqorlyqpen kúreske qarsy baǵyttalǵan nátıjeli, júıeli jumystyń bar ekenin taǵy da dáleldeıdi. Taqyryptyń ózektiligine toqtalǵan aımaq basshysy mańyzdy máseleniń jeke baqylaýynda ekenin aıtty.
«Biz eń taza óńir bolýymyz kerek. Osy baǵytta jumys isteıik. Basshylyqta otyrǵan azamattar bul máseleni óz baqylaýynda ustap, kúnde qadaǵalap otyratyn bolsyn. Suraý sizderden. Biz naǵyz eńbekqor, taza nıetti jandar meken etken qoǵamda ómir súrip jatyrmyz. Jemqorlyqpen kúresý úshin árkim ózi taza bolýy kerek. Oǵan jol bergenderge qatań shara qoldanatyn bolamyn. Ashyqtyq – basty mindet, basty ustanym. Osy tusta memlekettik mekemeler arasynda «Ashyq bıýdjettik ınteraktıvti kartasy» jobasyn da qolǵa alý kerek», - dedi oblys ákimi Ómirzaq Shókeev.
Bul joba – bıýdjetten bólinetin qarajatty jarııalaý jáne baqylaý, shaǵymdardy, pikirlerdi jınaý jáne aqparatty taldaýǵa arnalǵan jalpyǵa qoljetimdi syrtqy resýrstaǵy servıs. Sondaı-aq, Karta naqty ýaqyt rejıminde áleýmettik nysandardy salý, jóndeý jáne kútýge bólingen bıýdjet qarajaty týraly tolyq málimetti kórsetedi.
Jemqorlyqtyń tamyryn joıyp, memlekettik qyzmetterdiń sapasyn arttyrý, jemqorlyqqa qarsy mádenıetti qalyptastyrý – qoǵamnyń ózekti máselesi. Bul tusta oblys ákimi óńirde atqarylyp jatqan jumystardyń biri – «Túrkistan – adaldyq alańy» jobalyq keńsesiniń jumysyn atap ótti.
Tıimdiligin kórsetken joba aıasynda nátıjeli jıyndar ótkizilip, myńǵa jýyq memlekettik qyzmetkerge, 8 myńnan astam turǵynǵa quqyqtyq keńes berilgen. 40 aýyldyq okrýgterde QAÝІPSІZ AIMAQ buryshtary ashylyp, sybaılas jemqorlyqqa qarsy mádenıetti qalyptastyrý baǵytynda oblys kóleminde 1700-ge jýyq shara uıymdastyrylǵan.
«Sanaly urpaq» jobalyq keńseleri oblystaǵy 29 memlekettik jáne 19 jekemenshik kolledjde ashylyp, jumys jasaýda. Polıtsııada front-ofıster ashylyp, bilim berý, densaýlyq saqtaý, áleýmettik jáne memlekettik mekemelerde satýshysyz óz-ózine qyzmet etý formatynda 818 «Adaldyq dúkenderi» ashyldy. «Túrkistan qalalyq emxanasy» pılottyq úlgide Jobalyq keńse iske qosyldy. Aldaǵy jarty jyldyqta barlyq emhana men aýrýhanalar avtomattandyrý men tsıfrlandyrý protsessinen ótetin bolady.
