Túrkistan oblysynda 800-den astam medqyzmetker KVI ekpesin saldyrdy
TÚRKІSTAN. QazAqparat - 1-8 aqpan aralyǵynda Túrkistan oblysynda 840-qa jýyq medıtsına qyzmetkeri Covid-19-ǵa qarsy ekpe saldyrdy, dep habarlaıdy QazAqparat.
Sońǵy bir táýlik ishinde Túrkistan oblysy boıynsha koronavırýs ınfektsııasyn juqtyrýdyń 7 jaǵdaıy rastaldy.
COVID-19 ınfektsııasynyń kúndelikti ósý deńgeıi 0,16% tóńireginde. Pandemııa bastalǵaly beri óńirde 4176 jaǵdaıy tirkeldi.
Onyń 2682-si sımptomsyz bolyp, 1 671-i statsıonarlyq em qabyldady.
Búgingi kúni KVI-ǵa qarsy vaktsınatsııa Reseıde shyǵarylatyn Sputnik V vaktsınasynyń kómegimen júzege asyrylady.
Koronavırýstyq vaktsınany eki kezeńmen 21 kún aralyǵynda jasaý mindetti.
Oǵan sebep, birinshi doza antıdenelerdiń az mólsherin óndirýge baılanysty qysqamerzimdi qorǵanys áserin beredi.
Ekinshi doza birinshiniń áserin kúsheıtedi jáne adam aǵzasyndaǵy antıdenelerdiń mólsheri artady.
Esterińizge sala keteıik, Qazaqstanda vaktsınatsııa erikti túrde salynady.
«Halyq densaýlyǵy jáne densaýlyq saqtaý júıesi týraly» Kodekstiń 77-babyna sáıkes kez kelgen medıtsınalyq protsedýra, onyń ishinde vaktsınatsııalanǵan adamnyń sanaly kelisimimen ǵana júzege asyrylady.
Elimizde egýden bas tartqany úshin ákimshilik nemese qylmystyq jaýapkershilik joq.
