Túrkistan oblysynda 8 myńnan asa shetel kóligi qazaqstandyq nómir aldy

TÚRKІSTAN. QazAqparat - Túrkistan oblysynda 8000 astam sheteldik kólik tirkelip, qazaqstandyq nómir aldy. Bul týraly Túrkistan oblysy polıtsııa departamenti ákimshilik polıtsııa basqarmasynyń bastyǵy Almas Tastanbekov málimdedi, dep habarlaıdy QazAqparat tilshisi.

Búgingi kúnge deıin óńirde sheteldik kólikterdi zańdastyrýǵa 14 306 azamat ótinish bildirgen.

Onyń 8165-niń kóligi tirkelip, qazaqstandyq nómir alǵan.

Al, 1918 avtokólik ıesiniń qujattary durys bolmaýyna baılanysty keri qaıtarylypty.

Mamandardyń sózinshe, tirkeýge usynylǵan kólikterdiń basym bóligi Reseı Federatsııasynan ákelingen.

Al, odan keıingi orynda Armenııa, Qyrǵyzstan, Grýzııa, Ońtústik Koreıa, Latvııa elderinen jetkizilgen kólikter tur.

«Shetelden ákelingen kólikti tirkeý úsh mamandandyrylǵan halyqqa qyzmet kórsetý ortalyǵynda júrgizilip jatyr. Odan bólek, azamattar qujatyn onlaın tapsyrýda. Bastapqy tólem - tirkeý úshin 200 myń teńge», - deıdi Almas Tastanbekov.