Túrkistan oblysynda 78 mekteptiń qurylysy júrip jatyr

TÚRKІSTAN. QazAqparat - Túrkistan oblysynda 78 mekteptiń qurylysy júrip jatyr. Búgingi tańda 29 mektep qurylysy aıaqtalyp, paıdalanýǵa berildi,-dep habarlaıdy QazAqparat tilshisi.

Bilim oshaqtarynyń qurylysyna memleket qazynasynan 18,2 mlrd. teńge qarjy qaralǵan. Onyń ishinde 2,3 mlrd.teńge «Aýyl el besigi» baǵdarlamasy arqyly, 15,9 mlr.teńge oblystyq bıýdjetten bólingen. Búgingi tańda 29 mektep qurylysy aıaqtalyp, paıdalanýǵa berildi.

Sonymen qatar, bıyl 7 sport nysanynyń qurylys jumystaryn júrgizýge 7,4 mlrd.teńge qarjy qaralńan. Qarajat «Aýyl el besigi» baǵdarlamasy arqyly, «Jumyspen qamtýdyń jol kartasy» baǵdarlamasy arqyly jáne oblystyq bıýdjetten bólindi. Jyldyń qorytyndysymen «Aýyl el besigi» baǵdarlamasy arqyly Ordabasy aýdany Tórtkól aýylyndaǵy sport kesheniniń qurylysy paıdalanýǵa tapsyryldy. Qalǵan 6 nysan keler jylǵa ótpeli.