Túrkistan oblysynda 77 jastaǵy qarııa 2 kúnnen beri izdestirilip jatyr

TÚRKІSTAN. QazAqparat- Túrkistan oblysynda 77 jastaǵy qarııa 2 kúnnen beri izdestirilip jatyr, dep habarlaıdy QazAqparat tilshisi.

Oqıǵa Otyrar aýdanyna qarasty Talapty aýyldyq okrýginde boldy. 8 maýsym kúni tańǵy saǵat 6:00 shamasynda úıinen shyǵyp ketken 1946 jylǵy er adam, qaıta oralmaǵan.

Іzdeý jumystaryna Túrkistan oblysy TJD jáne Polıtsııa departamentiniń qyzmetkerleri, eriktiler men týystary jumyldyryldy. Qazirgi tańda 94 jeke quram, 14 tehnıka ózen ishin, qaraýsyz qalǵan ǵımarattar men jol boılarynda izdeý jumystaryn júrgizip jatyr.