Túrkistan oblysynda 76,8 myń tonna jemis-jıdek jınaldy
TÚRKІSTAN. QazAqparat - Túrkistan oblysynda 30 myń gekter aýmaqta jemis-jıdek daqyldary men júzim ósiriledi. Onyń ishinde jemis - 19,5 myń gektar, júzim - 10,5 myń gektardy quraıdy, dep habarlaıdy QazAqparat.
Oblys ákimi baspasóz qyzmetiniń málimetinshe, aǵymdaǵy jyly aımaq basshysy Janseıit Túımebaevtyń tapsyrmasyna sáıkes, qosymsha 0,94 myń gektar qarqyndy baý, 0,57 myń gektar júzim, 0,207 myń gektar jańǵaq egildi. Jalpy oblys boıynsha qarqyndy baýdyń kólemi 3,7 myń gektardy quraıdy.
Aıta keterligi, aǵymdaǵy jyly 85 myń tonna jemis-jıdek jáne 70 myń tonna júzim jınaý josparlanyp, búgingi tańǵa 76,8 myń tonna jemis-jıdek pen 22,6 myń tonna júzim jınaldy. Jınaý jumystary áli de jalǵasýda. Jınalǵan ónimder negizinen respýblıkanyń aımaqtary men kórshi memleketterge jóneltilýde.
Jalpy, baý sharýashylyǵynan túsetin tabys maqta sharýashylyǵymen salystyrǵanda 2,5 ese, al baqsha sharýashylyǵymen salystyrǵanda 2 ese artyq bolatyndyqtan, baý sharýashylyǵyn órkendetý isi oblysta qarqyn alyp, aldaǵy ýaqytta qarqyndy baýdyń egis kólemin 10 myń gektarǵa deıin ulǵaıtý josparlanyp otyr. 
