Túrkistan oblysynda 73 jumysshynyń 43 mln teńge jalaqy qaryzy tólendi

TÚRKІSTAN. QazAqparat – Túrkistan oblysy men Shymkent qalasy boıynsha jalaqy qaryzdary ótelýde. Bul týraly jyl basynan beri atqarylǵan jumysyn qorytyndylaǵan «Shymkent qalasy kásipodaqtar ortalyǵy» aýmaqtyq kásipodaqtar birlestiginiń tóraǵasy Berik Bekjanov málimdedi, dep habarlaıdy QazAqparat tilshisi.

Birlestik tóraǵasynyń sózinshe, Túrkistan oblysy boıynsha úshjaqty komıssııasy jalaqy qaryzdaryn óteý baǵytynda tıisti jumystar atqaryp, nátıjesinde jyl basynan beri 2 mekemeniń 73 jumysker aldyndaǵy 43,735 mln teńge jalaqy qaryzy ótelgen. Al, Shymkent qalasy boıynsha 9 mekeme 819 jumyskerge 121,8 mln teńge qaryz bolsa, osy kúnge deıin 740 jumyskerdiń 107 mln teńgesi qaıtarylǵan.

Sondaı-aq, Berik Bekjanov óńirdegi óndiristik jazataıym jaǵdaılarǵa da jiti toqtaldy. Esepti kezeńde óńir boıynsha jazataıym oqıǵalar sany ótken jyldyń osy kezeńimen salystyrǵanda 20 oqıǵaǵa azaıǵan. Onyń ishinde Túrkistan oblysy boıynsha 7 oqıǵaǵa kemise, al Shymkent qalasy boıynsha 13 oqıǵaǵa azaıǵan.

Budan ózge, tóraǵa ujymdyq shart jasasý boıynsha atqarylǵan jumystardy da atap ótti.

«Esepti kezeńde Túrkistan oblysynda 4854 kásiporynda ujymdyq shart jasalsa, 2085 mekemede ujymdyq shart jasalmaǵan. Shymkent qalasy boıynsha 1033 kásiporynda ujymdyq shart jasalǵan, al 20628 mekemede ujymdyq shart jasalmaǵan bolyp otyr. Eńbek qatynastaryn zańdastyrý maqsatynda «Eńbek shartyn jasańyzdar» atty respýblıkalyq aktsııa iske asyrylýda»,- dedi Berik Bekjanov.