Túrkistan oblysynda 70 jastaǵy qarııaǵa izdeý jarııalandy

TÚRKІSTAN. QazAqparat - Saryaǵash APB Almaty qalasynyń turǵyny aryzdanyp, jasy 70-ten asqan ákesiniń 11 qarashada túski ýaqytta úıden shyǵyp ketip, qaıta oralmaǵandyǵyn jetkizgen, dep habarlaıdy QazAqparat tilshisi.

Bul keleńsiz jaǵdaı Saryaǵash APB tirkelip, adam joǵalý oqıǵasy boıynsha izdeý jumystary bastalyp ketti. Qazirgi tańda aýdan polıtseıleri joǵalǵan egde jastaǵy er azamatty tabýǵa baǵyttalǵan izdestirý sharalaryn jalǵastyryp jatyr. Túrkistan oblysyna qarasty barlyq qala, aýdandyq polıtsııa qurylymdaryna joǵalǵan er azamattyń erekshe belgileri boıynsha baǵyttamalar jiberildi.

Sondaı-aq, aıta ketetin jaıt, egde jastaǵy er adamnyń ústinde qara tústi shalbar men kúrteshe, sur tústi bas kıim bolǵan.