Túrkistan oblysynda 7 nysan paıdalanýǵa berildi

KELES. QazAqparat - Táýelsizdik merekesine oraı Túrkistan oblysy Keles aýdany Tenteksaı eldimekeni taza aýyz sý júıesine tolyq qosyldy, dep habarlaıdy QazAqparat óńirlik kommýnıkatsııalar qyzmetine silteme jasap.

Saltanatty sharaǵa arnaıy qatysqan aýdan ákimi Aqmentaı Esbaev aýyl turǵyndaryn ataýly merekemen quttyqtap, sý stantsııasynyń lentasyn qıdy.

Sondaı-aq, aýdan basshysy Bozaı aýylyndaǵy «Aq úı» ákimshilik ǵımaratynyń ashylý rásimine qatysty. Atalǵan nysannyń qurylysy bıyl bastalyp, josparǵa saı mereke qarsańynda aıaqtaldy. 

Aıta keteıik, aýyldyq okrýgterdegi ákimshilik ǵımarattardy jańartýǵa aýdan ákimi tapsyrma bergen bolatyn. Mundaǵy maqsat - aýyldyq okrýgte jumys isteıtin mamandarǵa jaǵdaı jasaı otyryp, halyqqa kórsetetin qyzmettiń sapasyn jaqsartý. Bıyl aýdandaǵy 7 aýyldyq okrýgtiń ákimshilik ǵımarattaryn jańalaý jumystary josparlanǵan. Odan bólek, keler jyly árbir aýyldyq okrýgtegi memlekettik qyzmetkerlerdi jańa kompıýterlik jabdyqtarmen qamtý kózdelip otyr.

Sonymen qatar, mereke qarsańynda Oshaqty aýyldyq okrýgindegi Saryjylǵa, Baqshasaı jáne Jıdeli aýyldary sapaly elektr qýatymen qamtyldy. Al, Ushqyn aýyldyq okrýginde aýyz sý máselesi 100 paıyz sheshildi. Merekede qýanyshqa kenelgen aýyldaǵy aǵaıyn memleket tarapynan kórsetilip jatqan qamqorlyq úshin alǵys aıtty.