Túrkistan oblysynda 7 myńnan astam qarý ıeleri tekserildi
TÚRKІSTAN. QazAqparat - Túrkistan oblysynyń aýmaǵynda 17 men 21 qyrkúıek aralyǵynda júrgizilgen «Qarý» respýblıkalyq jedel-profılaktıkalyq is-sharasy barysynda 64 dana zańsyz qarý tárkilendi. Ýchaskelik ınspektorlarmen 7 myńnan astam qarý ıeleri tekserilip, zańsyz qarý saqtaý erejelerin buzǵany úshin 429 azamatqa qatysty ákimshilik hattamalar toltyryldy, dep habarlaıdy QazAqparat tilshisi.
Qarýmen jasalynatyn qylmystyń aldyn alý jáne zańsyz saqtalǵan qarýdy anyqtaý maqsatynda uıymdastyrylǵan sharanyń 5 kúninde týrkistandyq polıtseılermen 2 oıyquńǵyly, 55 -ańshylyq, 4 gazdy tapansha, 2 travmatıkalyq jáne 1 elektrli qarý alyndy. Aýyl turǵynynan tirkelmegen 16 kalıbrli ańshylyq qarýy jáne 2 oq-dári tárkilendi. Al, Maqtaral aýdanynda jergilikti turǵynnan 1959 jyly shyǵarylǵan TOZ-8 karabıni tabylǵan. Qazirgi tańda tárkilengen qarýlarǵa tıisti saraptamalar taǵaıyndaldy. Barlyq jaıttar Qylmystyq kodekstiń «Qarýdy, oq-dárilerdi zańsyz saqtaý» baby boıynsha SDTBT-ne tirkelip, sotqa deıingi tergeý amaldary júrgizilýde.
Illıýstratsııalyq foto
