Túrkistan oblysynda 69 sheteldik el aýmaǵynan shyǵaryldy
TÚRKІSTAN. QazAqparat - Túrkistan oblysynda «Zańsyz kelýshi-2021» jedel profılaktıkalyq is-sharasy uıymdastyrylyp, zańbuzýshylyqqa jol bergen 1276 sheteldik pen QR azamattary ákimshilik jaýapkershilikke tartyldy, dep habarlaıdy QazAqparat tilshisi.
Reıd barysynda 69 sheteldik el aýmaǵynan alastatylsa, 71 adam qabyldap-taratý bólimine ornalastyryldy. Sonymen qatar, 770 sheteldiktiń saýsaq izderi alynyp, onyń 195-iniń QR-da bolý merzimderi qysqartyldy. Іs-shara barysynda QR QK-niń 392-baby 1-bóligimen 4 qylmystyq is qozǵalyp, qazirgi tańda sotqa deıingi tergep-tekserý amaldary júrgizilýde. Shetel azamattaryn turǵyn úımen qamtamasyz etken -308, shetel jumys kúshin zańsyz paıdalanǵan -60 jergilikti turǵynnyń ákimshilik jaýapkershilikteri qaraldy.
