Túrkistan oblysynda 64 myń jer telimine ınfraqurylym tartylady
Indýstrııa jáne ınfraqurylymdyq damý mınıstri Beıbit Atamqulov Úkimet otyrsynda aldaǵy 5 jylda Túrkistan oblysynyń ınýsdtrııasy men ınfraqurylymyn damytýǵa 944,9 mlrd teńge qarastyrylǵanyn málim etti.
Sonyń ishinde qurylys jáne turǵyn úı-kommýnaldyq sharashylyq salasyna – 142,5 mlrd teńge, avtojol salasyna – 325,3 mlrd teńge, kólik salasyna - 469,3 mlrd teńge bólý josparlanǵan.
«2025 jylǵa deıin óńirde «Nurly jer» baǵdarlamasy sheńberinde 4,9 mln sharshy metr nemese 46 myń baspana berý josparlanǵan. 2021 jyly - 7,7 páter, 2022 jyly - 8 myń páter, 2023 jyly - 9,1 myń páter, 2024 jyly - 10 myń páter, 2025 jyly - 11,1 myń páter salynady. Onyń ishinde 23 myń páterdi jalǵa beriletin jáne kredıttik turǵyn úı retinde usynylady», -dedi mınıstr.
Sondaı-aq, ol jeke turǵyn úı salýǵa arnalǵan jer telimderin ınjenerlik ınfraqurylymmen qamtamasyz etý úshin 2025 jylǵa deıin 78,1 mlrd teńge bólinetinin aıtty.
Sonyń arqasnyda 64 myń jer ýchaskesine ınjenerlik ınfraqurylym tartylady.
«Túrkistan oblysynda turǵyn úılerdi jańǵyrtý boıynsha bıyl respýblıkalyq bıýdjetten 101 kóppáterli úıdi jańǵyrtýǵa 3,3 mlrd teńge kózdelgen. 2025 jylǵa deıin 4,6 mlrd teńge somasynda 240 kóppáterli turǵyn úı jańǵyrtylatyn bolady. Jalpy, 2021 jyldan 2025 jylǵa 7,9 mlrd teńge somasynda 341 kóppáterli turǵyn jóndeledi» dedi Áset Erǵalıev Úkimet otyrysynda.
