Túrkistan oblysynda 63 alǵashqy medıtsınalyq-sanıtarlyq kómek kórsetý nysany ashyldy
TÚRKІSTAN. QazAqparat - Túrkistan oblysynda ótken jyly oblysta 63 alǵashqy medıtsınalyq-sanıtarlyq kómek kórsetý nysany ashyldy. Bul el aýmaǵynda densaýlyq saqtaý salasynda salynǵan barlyq medıtsınalyq mekemelerdiń 40 paıyzy, dep habarlaıdy QazAqparat tilshisi.
Óńirde alǵashqy medıtsınalyq-sanıtarlyq kómek nysandaryn salý kezinde quny 30 mln teńge bolatyn qurama modýldik qurylymdar paıdalanyldy. Tıisinshe, bul shyǵyndy eki esege qysqartady. Sondaı-aq, elimiz boıynsha oblys alǵashqy bolyp modýldik medıtsınalyq beketterdiń qurylysyn qolǵa aldy. Nemis tehnologııasy boıynsha salynatyn, Túrkııada jasalǵan ǵımarattardyń artyqshylyǵy az emes. Bul jańashyldyq ýaqyt pen bıýdjet qarajatyn aıtarlyqtaı únemdeıdi. Eń bastysy óńirdegi shalǵaı aýyldardyń turǵyndary úshin medıtsınalyq kómek kórsetý máselesi sheshimin tapty. Beketterdiń modýldik qurylymyn qurastyrýǵa nebári 2 aı ǵana ýaqyt ketedi. Jańa medpýnkterde feldsher jáne medbıkeler medıtsınalyq kómek kórsetedi. Ol úshin munda barlyq jaǵdaı jasalǵan. Sapaly materıaldardan salynǵan jaıly ǵımaratta táýligine ondaǵan naýqastardy qabyldaýǵa múmkindik bar.
Qazirgi ýaqytta Túrkistan oblysynda 6 jańa emhana qurylysy júrgizilýde. Atap aıtqanda, Atakent, Myrzakent, Aqsýkent jáne Kentaý, Jetisaı, Shardara qalalarynda. Memlekettik-jekeshelik áriptestik aıasynda Túrkistan qalalyq emhanasynyń, 610 tósektik oblystyq kópsalaly aýrýhananyń, Oblystyq týberkýlezge qarsy dıspanserdiń, Oblystyq onkologııalyq dıspanserdiń qurylysyn júrgizý jáne Túrkistan qalasyndaǵy oblystyq jedel medıtsınalyq kómek stansasyn qaıta qurý jáne paıdalanýǵa berý josparlanýda.
