Túrkistan oblysynda 600-ge jýyq toı tarqatylyp, qonaqtar úıine qaıtarylǵan

TÚRKІSTAN. QazAqparat - Túrkistan oblysynda 104 jumysshy top Jańa jyl merekesi qarsańyńda karantın talaptaryn qadaǵalaýdy kúsheıtpek. Bul týraly oblystyń bas memlekettik sanıtarııa dárigeri Nurbek Nyshanov óńirlik kommýnıkatsııalar qyzmetinde ótken brıfıngte aıtty, dep habarlaıdy QazAqparat.

Mobıldi top quramynda aýdan, qala ákimdigi, kásipkerlik palatasy, polıtsııa basqarmasynyń qyzmetkerleri jáne eriktiler bar.

Búgingi kúni jalpy 579 otbasylyq, merekelik is-shara anyqtalyp, toqtatylǵan. Zańdy óreskel buzǵan azamattarǵa ákimshilik shara qoldanylyp, aıyppul salynǵan.

«Negizinen 5 shilde men 29 jeltoqsan aralyǵynda 45 465 nysanǵa reıd uıymdastyrylyp, 5229 hattama toltyryldy. Onyń ishinde QR ÁQB kodeksiniń 425 babynyń 1-tarmaǵymen 5051 jeke tulǵaǵa 30 AEK kóleminde (210 475 170 teńge), 104 jeke kásipkerge 33 224 880 teńge kóleminde, 12 zańdy tulǵaǵa 3 833 640 teńgege , 62 laýazymdy tulǵaǵa 230 AEK mólsherinde (19 807 140 teńge), barlyǵy 267 340 830 teńge aıyppul salynǵan»,- dedi ol.

Oblystyń bas sanıtarııa dárigeri álemde bolyp jatqan pandemııaǵa baılanysty aımaqtaǵy epıdemıologııalyq ahýaldy eskere otyryp Jańa jyl merekesin ujymdyq otyryssyz shaǵyn otbasylyq ortada qarsy alýǵa keńes beredi.

Eń bastysy merekelik dastarhanda tamaqtan ýlanýdyń aldyn alý sharalaryn eskerý qajet.