Túrkistan oblysynda 600 balaǵa QR Prezıdentiniń jańa jyldyq syılyqtary tapsyryldy

TÚRKІSTAN. QazAqparat-Jańa jyl merekesi qarsańynda Túrkistan oblysyndaǵy 600-ge jýyq balaǵa QR Prezıdentiniń quttyqtaý haty men merekelik syılyqtary tapsyryldy, dep habarlaıdy QazAqparat tilshisi.

Tólebı aýdanyndaǵy balalar úıi men ońaltý ortalyǵy jáne aýdandyq aýrýhanaǵa barǵan Túrkistan oblysy ákiminiń orynbasary Beısen Tájibaev tárbıelenýshiler men emdelýshi balalardy Jańa jyl merekesimen quttyqtady. Olarmen júzdesip, merekelik lebizin bildirip, Prezıdenttiń quttyqtaý haty men syılyqtaryn usyndy.

«Sizderdi Jańa jyl merekesimen quttyqtaımyn. Armandaryńyz oryndala bersin. Densaýlyq, amandyq, otbasylaryńa bereke tileımin», – degen Beısen Dáýletuly balalarmen pikir almasyp, syılyqtaryn tapsyrdy.

Jalpy, Jańa jyl merekesine oraı oblystaǵy jetim jáne ata-anasynyń qamqorlyǵynsyz qalǵan balalarǵa arnalǵan 3 bilim berý uıymdaryndaǵy 140 balaǵa, áleýmettik mekemedegi 55 balaǵa jáne oblystaǵy 25 aýdandyq, qalalyq balalar aýrýhanalarynda em qabyldaýshy 400 balaǵa Qazaqstan Respýblıkasy Prezıdentiniń atynan Jańa jyldyq merekelik syılyqtar berildi.

Foto: Túrkistan oblysy ákimdiginiń baspasóz qyzmeti