Túrkistan oblysynda 6 myńǵa jýyq turǵynǵa 42500 teńge tólem taǵaıyndalǵan

TÚRKІSTAN. QazAqparat – Túrkistan oblysynda tótenshe jaǵdaıǵa baılanysty jumysyn joǵaltqan azamattarǵa memlekettik saqtandyrý qorynan áleýmettik tólem tóleý bastaldy. Búginde 6 myńǵa jýyq turǵynǵa 42500 teńge tólem taǵaıyndalǵan, dep habarlaıdy QazAqparat tilshisi.

Túrkistan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaevanyń aıtýynsha, bul tólemge shaǵyn jáne orta kásip sýbektileri, dara jumys isteıtin azamattar men biryńǵaı jıyntyq tólem tóleýshi azamattar qol jetkize alady.

«Qazirgi tańda barlyq aýdan, qalalarda jumys shtabtary qurylǵan. Azamattardan túsken ótinishter shtabta qaralyp, tólemge usynylady. Elektrondy memlekettik portaly arqyly da ótinish jasaýǵa bolady. Aıta keterligi, biryńǵaı jıyntyq tólem tóleýshi azamattar buǵan deıin 1 jyl ishinde 3 tólem jasaýy qajet bolsa, qazir 1 aıǵa kemidi. Demek, biryńǵaı jıyntyq tólemdi tólep, rásimdep, 42500 teńgeni alýǵa bolady. Qazirgi tańda Túrkistan oblysynda 6 myńǵa jýyq azamattyń ótinish maquldanǵan»,- dedi Ásııa Temirbaeva.