Túrkistan oblysynda 6 myńǵa jýyq búldirshin balabaqsha kezegin kútýde
Óńirlik kásipkerler keńesiniń tóraǵasy, Májilis depýtaty Qaınar Abasovtyń tóraǵalyǵymen ótken basqosýǵa oblystyq máslıhat depýtattary men Adamı kapıtaldy damytý basqarmasy basshylyǵy men aýdan kásipkerleri de qatysty. Kezdesýde bilim berý salasyndaǵy kásipkerler mektepke deıingi bilim berý uıymdarynda normatıvke saı tólem júrgizýge qarjynyń jetispeýshiligi máselesin kóterdi.
Aıtýlarynsha, jan basyna shaqqandaǵy qarjylandyrýdyń tólenetin somasy oblysta respýblıka boıynsha belgilengen normatıvten áldeqaıda az tólenýde. ıAǵnı, ótken jyly oblysta tıisti soma 31 010 teńgeden bolsa, óńirdegi balabaqshalarǵa ortasha eseppen 20 988 teńge tólengen. Bıyl jan basyna qarjylandyrý ádistemesi boıynsha bir balabaqsha balasyna qala boıynsha -37 527 teńgeden, aýyldyq jerlerde -41 053 teńgeden tólenýi tıis. Alaıda bıýdjette qarajat jetkiliksiz bolǵandyqtan, jan basyna shaqqanda qarjylandyrý normatıvke saı tolyq kólemde tólem júrgizý problemasy taǵy da týyndaýda.
Máseleni sheshý úshin oblys ákimniń tıisti orynbasarlary atynan Bilim mınıstrligine respýblıkalyq bıýdjetten jetispeıtin qarajatty bólýdi maquldaý úshin hat joldanǵan bolatyn. Hatqa qol qoıylǵannan keıin bilim mınıstrligi Qarjy mınıstrligine 23 493 633,0 myń teńge somasyna suraý salǵan. Másele áli oń sheshimin tappaı keledi. Oblys boıynsha qazirgi tańda 1424 mektepke deıingi mekeme bar bolsa, onyń 1024-i jekemenshik balabaqsha. Tárbıelenip jatqan búldirshinderdiń jalpy sany 155 myńdy qurasa, jeke balabaqshada 115 myńnan asady.
«Bul máseleler balalarymyzdyń tárbıesi men biliminiń sapasyna de áser etetini anyq. Adamı kapıtaldy damytý basqarmasynyń málimetinshe qarajattyń jetispeýshiligi 5500 búldirshinniń balabaqsha kezeginde turýyna májbúr etýde. Bul múldem aqylǵa syımaıtyn jaǵdaı»,- dep atap ótti Túrkistan oblysy kásipkerler palatasy dırektory Tımýr Naqypbekov.
Óńirlik keńes tóraǵasy máseleniń mańyzdylyǵyn eskerip, Májilis depýtattary atynan tıisti mınıstrlikterge usynystarmen shyǵyp, Respýblıkalyq bıýdjetke ózgertýler engizý baǵytynda jumys jasaıtynyn jetkizdi.