Túrkistan oblysynda 6 qyzǵaldaqty julǵan er adamǵa qatysty qylmystyq is qozǵaldy

TÚRKІSTAN. QazAqparat- Túrkistan oblysy, Báıdibek aýdanynda polıtseıler qyzyl kitapqa engizilgen «Greıg» qyzǵaldaǵynyń 6 danasyn julǵan azamatty anyqtady. Ol Shymkent qalasynyń turǵyny bolyp shyqty, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, Tabıǵatty qorǵaý polıtsııa tobynyń ınspektory polıtsııa kapıtany Almas Serikov pen ýchaskelik polıtsııa ınspektorlary anyqtaǵan. Olar Aqbastaý aýylyna qarasty jaıylymdyq alqaptan qolyna birneshe qyzǵaldaq alyp júrgen er adamdy baıqap qalǵan. Tekserý barysynda er adamnyń qolyndaǵy gúlder «Qyzyl kitapqa» engizilgen gúlder ekeni anyqtalǵan.

«Qazirgi ýaqytta osy jaıtqa baılanysty QR QK-niń 339-babynyń 1-bóligimen «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikterin nemese derıvattaryn zańsyz paıdalaný» sotqa deıingi tergeý amaldary júrgizilýde»,- delingen habarlamada.