Túrkistan oblysynda 56 jekemenshik mektep jumys istep tur

TÚRKІSTAN. QazAqparat - Túrkistan qalasynda ornalasqan Abaı atyndaǵy №31 orta mektep ujymy 10-ǵa jýyq birinshi synyp oqýshylaryn qabyldady. Synyp attaryn alfavıt boıynsha sanaǵanda «ı» árpine deıin bardy, dep habarlaıdy QazAqparat tilshisi.

Jalpy Túrkistan oblysynda 52 myńnan astam bala 1-synypqa bardy.

Bıyl 10 jańa jekemenshik mektep ashylyp, bilim uıalarynyń jalpy sany 961-ge jetti. Onyń ishinde 56-sy jekemenshik.

Oblystaǵy barlyq bilim berý uıymdary «Bilim Land» platformasyna qosylǵan.

Sonymen qatar mektep kitaphanalarynyń bazasyn esepke alý, mektepter arasyndaǵy kitap almasý, elektrondy túrde suranys berý júıesi boıynsha «E-Kitaphana» platformasy engizildi.

2022-2023 oqý jylyna oqýlyq satyp alýǵa 5 048, 738 mln teńge qarjy bólindi.

Sondaı-aq, oqýshylar sanynyń ósýin eskere otyryp jetispeıtin jáne eski oqýlyqtar jańartyldy.

Oblys boıynsha 2025 jylǵa deıin kezeń-kezeńimen 199 mekteptiń qurylysyn salý josparlanǵan.

Bıyl 59 mekteptiń qurylys jumysyn júrgizýge 20,7 mlrd teńge qarjy qaralyp otyr.

Josparǵa sáıkes jyl sońyna deıin 34 mekteptiń qurylysy aıaqtalyp, paıdalanýǵa beriledi.

Onyń ishinde, 4 apatty jáne 2 úsh aýysymdy mekteptiń qurylysy júrip jatyr.