Túrkistan oblysynda 52 myńnan astam bala mektep formasymen qamtylady
«Oblysta ataýly áleýmettik kómek alatyn otbasylardan kepildendirilgen áleýmettik paketimen qamtylǵan 6-18 jastaǵy 52 660 balany mektep formasymen jáne mektep quraldarymen qamtamasyz etý úshin 1 857,6 mln teńge qajettiligi týyndaǵan bolatyn. Atalǵan másele sheshimin tapty. Búginnen bastap barlyq mektepter ata-analardan ótinish qabyldaýdy bastaıdy. Ata-analar ataýly áleýmettik kómek alatyndyǵy týraly qujattardy beredi. Soǵan sáıkes biz olardyń arnaıy esep shottaryna aqshany aýdaryp beremiz», - dedi oblystyq adamı áleýetti damytý basqarmasynyń basshysy Dinıslam Bolathanuly.
Sondaı-aq, ol kásipkerler men qala turǵyndaryn «Mektepke jol» aktsııasyna belsendi qatysýǵa shaqyrdy.
Bıylǵy jyly Túrkistan oblysynyń oqýshylary qara kók tústi forma men aq kóılek kıedi. Sondaı-aq, ata-ana belgili bir kásipkerge nemese dúkenge baılanyp qalmaı, óz jaǵdaıyna qaraı kez kelgen jerden mektep formasyn ala alady.
Buǵan deıin Túrkistan oblysynda kómekke muqtaj oqýshylar tizimi jasaqtalyp jatqanyn jazǵan edik.
