Túrkistan oblysynda 51 myńnan astam bala 1-synypqa barady
Jańa oqý jylyna daıyndyq barysy Túrkistan oblysynyń ákimi Darhan Satybaldynyń tóraǵalyǵymen ótken apparat otyrysynda talqylandy. Bilim salasyna qatysty máseleler oblys ákiminiń jigi baqylaýynda. Óńir basshysy oblystaǵy jalpy bilim berý mekemeleriniń qaýipsizdigi men jylý maýsymyna daıyndyǵyn kúsheıtýdi tapsyrdy. Sondaı-aq kúrdeli jóndeý jumystarynynyń ýaqytyly aıaqtalýyn jiti qadaǵalaýdy júktedi. Bilim berý oshaqtarynyń jańa oqý jylyna tolyq daıyn bolýyn, barlyq balabaqsha, mektepke avtobýs tasymaldaýy jaıynda tapsyrmalar berdi.
Oblystaǵy memlekettik 1 myń bilim berý mekemeleri 100% dabyl batyrmalarymen qamtylyp, polıtsııa departamentiniń jedel basqarý ortalyǵyna qosylǵan. Kásibı kúzet qyzmetimen qamtamasyz etilýi tıis bilim berý uıymdary kúzet fırmalarymen kelisim-shartqa turýda. Qajettikke baılanysty berý uıymdarynyń qorshaýy jańartylýda. Іshki ájethanasyn retke keltirýi tıis 89 mektepte káriz júıesin retke keltirýi jumystary júrgizilip jatyr.
«Balalarymyzdyń sapaly bilim alý úshin barlyq jaǵdaı jasalýy tıis. bilimdi urpaq – bizdiń basty qundylǵymyz. Sondyqtan oqýdyń barlyq kezeńinde balalarǵa qolaıly jaǵdaı jasaý – bizidń negizgi mindetimiz. Jańa oqý jylyna daıyndyq, mektepke tasymaldaý, bilim uıalarynyń jylytý maýsymyna daıyndyǵy qatań baqylaýda», - dedi oblys ákimi.
28 mekteptiń jylý júıesi gazǵa ótti. Bul jumystarǵa 70 mektepke bıýdjetten 1 mlrd. 665 mln. teńge qarjy qaralǵan. Bilim berý mekemeleriniń jylytý júıelerine gıdravlıkalyq syǵymdaýdan ótkizilip jatyr. Osy jáne taǵy basqa atqarylyp jatqan jumystar boıynsha oblys ákiminiń orynbasary Beısenbaı Tájibaev baıandama jasady.
«Jańa oqý jylynan bastap oblystaǵy 1-4 synypta oqıtyn 187 832 bala bir rettik ystyq tamaqpen qamtamasyz etiledi. Buǵan oblystyq bıýdjetten 6 mlrd. 197 mln. teńge qarjy qaralǵan. Oblysta jalpy 33 mekteptiń qurylysy júrgizilýde. Bıyl 1 qyrkúıekte 5 mektep tapsyrylsa, jyl sońyna deıin 14-i jáne 2024 jyly 14 mektep paıdalanýǵa beriledi. Sonymen qatar oblysta 21 mektepke kúrdeli jóndeý jumystary júrgizilýde. Merziminde aıaqtamaǵan merdiger kompanııalarǵa zańnama talaptaryna sáıkes shara kóriledi. Sonyń biri Saryaǵash aýdanyndaǵy, №16 Panfılov atyndaǵy jalpy orta mektebinde kúrdeli jóndeý jumystaryna jaýapty merdiger «Shańyraq-21» JShS-ine 200 aılyq eseptik kórsetkishte aıyppul salyndy», – dedi oblys ákiminiń orynbasary.
Oblys boıynsha 180 eldi mekende 15 225 bala mektepke tasymaldanady. «Balalar jyly» aıasynda Memleket basshysynyń tapsyrmasymen oblys mektepterine lızıng tásilimen «Ónerkásipti damytý qory» AQ-y arqyly 101 jańa zamanaýı avtobýstar alyndy. Olar 101 mektepke jetkizildi. Jańa oqý jylynda oqýshylar tasymaly memleket teńgerimindegi 120 jáne merdiger fırma menshigindegi 68 avtobýspen uıymdastyrylady.
Áleýmettik osal toptaǵy otbasy balalary úshin mektep formasy jáne oqý quraldaryn alýǵa oblystyq bıýdjetten 1 mlrd. 316 mln. teńge qarjy bólindi. Osy sanattaǵy 32 455 balaǵa 40 567 teńgeden qaralyp, ata-analarynyń shottaryna qarjylaı aýdarym jasaldy. Respýblıkalyq «Mektepke jol» aktsııasy uıymdastyrylyp, 10 myńnan astam oqýshy qamtylady.
Otyrysta Túrkistan oblysy bilim salasynda sapany qamtamasyz etý departamenti basshysy Ǵalymjan Almatov jańa oqý jylyna daıyndyq jumystary boıynsha júrgizilgen monıtorıng qorytyndysyn baıandady. Monıtorıng barysynda bilim berý uıymdaryndaǵy ınternet, kúrdeli jáne aǵymdaǵy jóndeý, qaýipsizdik, jyly sanıtarlyq toraptar (ájethanalar), sport zaldary, ashanalar, pándik kabınetter, robototehnıka kabınetteri sııaqty máseleler qamtyldy.
