Túrkistan oblysynda 50 myń teńge para alǵan kedenshige 1,5 mln teńge aıyppul salyndy

NUR-SULTAN. QazAqparat – Saryaǵash aýdandyq sotynda jeke kásipkerden para alǵan kedenshige úkim shyqty, dep habarlaıdy QazAqparat tilshisi.

Buǵan deıin Túrkistan oblysynyń sybaılas jemqorlyqqa qarsy qyzmeti memlekettik kirister departamentiniń «Qaplanbek» keden beketiniń jetekshi mamany M. Jylqybaevqa qatysty sotqa deıingi tergeýdi aıaqtaǵan.

«Jylqybaev jeke kásipker J. Shyntaevadan kedendik kiris orderin tirkeýsiz halyq tutynatyn taýarlardy kedergisiz ótkizgeni úshin 50 myń teńge para aldy degen kúdikkke ilingen. Saryaǵash aýdandyq sotynyń úkimimen Jylqybaev 1,5 mln teńge kóleminde aıyppul salyndy», - dedi Sybaılas jemqorlyqqa qarsy is-qımyl agenttiginiń birinshi departamentiniń aǵa tergeýshisi Danııar Begaıdarov agenttikte ótken baspasóz máslıhatynda.

Sottalýshy ómir boıy memlekettik qyzmette eńbek etý quqyǵynan aıyryldy.