Túrkistan oblysynda 5 jasar sábı anasynan vırýs juqtyrǵan
TÚRKІSTAN. QazAqparat - Túrkistan oblysynda sońǵy aqparatqa sáıkes, koronavırýs indetin juqtyrǵan taǵy 2 adam tirkeldi. Jalpy sany óńirde 25 adamda koronavırýs indeti rastaldy, dep habarlaıdy QazAqparat coronavirus2020.kz saıtyna silteme jasap.
Saıt taratqan málimetterge qaraǵanda, 2015 jylǵy sábı Arys qalasy, Naýryz aýylynyń turǵyny, vırýsty anasynan juqtyrǵan. Anasy Nur-Sultan-Shymkent baǵytynda poezben kelgen áıelmen jaqyn baılanysta bolǵan.
1984 jylǵy Jetisaı qalasynyń turǵynynan vırýs skrınıng jasaý barysynda anyqtalǵan.
Naýqastardyń jaǵdaıy qanaǵattanarlyq, shaǵymy joq. Vırýs juqtyrǵandar qazirgi ýaqytta oqshaýlanyp, em qabyldaýda.
Qazirgi tańdaatalǵan azamattarmen baılanysta bolǵandardy anyqtap, oqshaýlaý jumystary júrgizilýde.
Jetisaı aýdanynda - 13, Kentaý qalasynda - 2, Arys qalasy - 2, Ordabasy -1, Saryaǵash - 1, Maqtaaral - 4, Saıram aýdanynda – 2 adamnan vırýs anyqtaldy.
