Túrkistan oblysynda 5 myńnan astam qarý ustaýshy tekserildi
TÚRKІSTAN. Qazaqparat – Túrkistan oblysynda zańsyz qarýmen aınalysqan qylmystardyń aldyn-alý men azaıtý maqsatynda «Qarý» jedel aldyn-alý is-sharasy keń kólemde ótkizildi. Polıtsııa departamentiniń Ákimshilik polıtsııa qyzmetkerleri ótkizgen sharada 5 myńnan astam qarý ustaýshy tekserildi, dep habarlaıdy QazAqparat tilshisi.
Tártip saqshylary bes táýlik ishinde zańsyz 42 qarýdy anyqtaǵan. Onyń ishinde 31-danasy tárkilenip, 11-danasy óz erkimen tapsyrylǵan. Sonymen qatar 21-dana oıyq uńǵyly qarýdyń oqtary alyndy. 272 azamatqa qatysty ákimshilik quqyqbuzýshylyq sharalary qoldanylyp, birqatar turǵyndarǵa ákimshilik kodekstiń baptarymen hattamalar toltyryldy. Máselen, Saıram aýdany boıynsha júrgizilgen «Qarý» jedel aldyn-alý is-sharasy barysynda jergilikti polıtsııa qyzmetiniń ýchaskelik polıtsııa ınspektorlary aýdan turǵynynyń birinen tirkelmegen travmatıkalyq tapanshasyn aıǵaqty zat retinde aldy. «Qarý» profılaktıkalyq is-sharasyn ótken jyldarmen salystyrǵanda búgingi tańda óz erikterimen qarýlaryn polıtseılerge tapsyratyndar sany artyp keledi. Qazirgi tańda ustalǵan azamatqa qatysty tergep-tekserý amaldary júrgizilýde» - deıdi Túrkistan oblysynyń Polıtsııa departamenti ákimshilik polıtsııa basqarmasynyń azamattyq jáne qyzmettik qarý aınalymyn baqylaý tobynyń ınspektory Abdýlla Amanbaev.
