Túrkistan oblysynda 5 mektep jańa oqý jylyna daıyn emes

TÚRKІSTAN. QazAqparat – Túrkistan oblysynda 5 mektep jańa oqý jylyna daıyn emes. Bul týraly Túrkistan oblysynyń bilim salasynda sapany qamtamasyz etý departamentiniń basshysy Ǵalymjan Almatov «AMANAT» partııasynyń bilim salasyndaǵy ózekti máselelerdi talqylaýǵa arnalǵan májilisinde málimdedi, dep habarlaıdy QazAqparat tilshisi.

Túrkistan oblysynda 14 mektep kúrdeli jóndeý jumystarynan ótip jatyr. Onyń ishinde 9 bilim oshaǵyndaǵy qurylys jumystary tamyz aıynyń sońynda aıaqtalyp, paıdalanýǵa beriledi dep josparlanyp otyr. Al 5 mekteptegi kúrdeli jóndeý jumystary keshigýi múmkin.

«Tólebı aýdanyndaǵy «Qaratóbe» jalpy orta mektebi, Túlkibas aýdanyndaǵy A.Orazbaeva atyndaǵy jalpy orta mektebi, Ordabasy aýdanyndaǵy E.Ernazarov atyndaǵy jalpy orta mektebi, Kentaý qalasyndaǵy №24 T.Rysqulov atyndaǵy jalpy orta mektebi, Tólebı aýdanyndaǵy «Qostóbe» shaǵyn jınaqtalǵan jalpy orta mektebi oqýshylardy qabyldaýǵa daıyn emes» - dedi Ǵalymjan Almatov.