Túrkistan oblysynda 5 aýyldyń ákimderin saılaý ótedi

TÚRKІSTAN. QazAqparat – Túrkistan oblysyndaǵy birneshe eldi mekende ákimder saılaýy ótedi, dep habarlaıdy QazAqparat tilshisi.

Málim bolǵandaı, Túrkistan oblysyndaǵy myna eldi mekenderdiń ákimderi saılanady:

- Arys qalasynyń Dermene aýyldyq okrýg ákimi;

- Saryaǵash aýdanynyń Jartytóbe aýylynyń ákimi;

- Saryaǵash aýdanynyń Derbisek aýylynyń ákimi;

- Saýran aýdanynyń Júınek aýylynyń ákimi;

- Sozaq aýdanynyń Qaraqurt aýylynyń ákimi.

Joǵaryda atalǵan barlyq eldi mekenniń ákimderin saılaý bir ýaqytta, ıaǵnı 14 mamyrda ótedi.

«Belgilengen tártippen tirkelgen saıası partııalar jáne ózin-ózi usynǵan kandıdattardy tirkeý 6 sáýirden bastalady jáne saılaý ótkiziletin kúnge 25 kún qalǵanda, ıaǵnı 19 sáýirde jergilikti ýaqytpen saǵat 18:00-de aıaqtalady», - delingen Túrkistan oblysy ákimdiginiń resmı saıtynda jarııalaǵan habarlamada.

Buryn habarlaǵandaı, mamyrda Aqtóbe oblysyna qarasty 4 aýyldyq okrýgtiń ákimderin saılaý ótpek.