Túrkistan oblysynda 5 adam gazdan ýlanyp, kóz jumdy
TÚRKІSTAN. QazAqparat - Túrkistan oblysynda jylý maýsymy bastalǵaly beri 4 qaıǵyly jaǵdaı tirkeldi. 7 adam jaraqat alyp, 5 turǵyn gazben ýlanyp, kóz jumǵan, dep habarlaıdy QazAqparat tilshisi.
Oblystyq TJD málimetinshe, gazdan ýlaný jaǵdaıy Qazyǵurt aýdanynda bolǵan. Sharaphana aýylyndaǵy jeke úıde 37 jastaǵy áıel men onyń 12 jastaǵy uly qaıtys boldy. Taǵy bir jaǵdaı Báıdibek aýdanynyń Shaıan aýylynda tirkeldi. Onda 32 jastaǵy áıel men tórt perzenti ıisten ýlanǵan. 1986 jyly týǵan kelinshek pen onyń 2009 jylǵy, 2007 jylǵy, 2012 jylǵy uldary jáne 2014 jylǵy qyzy aýdandyq aýrýhanaǵa jatqyzylǵan. Eki jaǵdaıda da qatty otynmen jylytatyn peshten aqaýlar tabylǵan.
Aıta keteıik, kúni keshe ǵana Saıram aýdanynda eki balasy men anasy gazdan ýlanyp kóz jumǵan edi.
