Túrkistan oblysynda 5,5 tonnaǵa jýyq esirtki zańsyz aınalymnan alyndy

TÚRKІSTAN. QazAqparat - Túrkistan oblysynda jyl basynan beri esirtkige qatysty 170 qylmys tirkeldi. Zańsyz aınalymnan 5,5 tonnaǵa jýyq esirtki zaty tárkilendi, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, 47 adam narkotıkalyq zattardy satý kezinde ustalǵan.

Taǵy 23 turǵyn asa iri kólemde esirtki zatyn saqtaǵany anyqtaldy.

Tártip saqshylarymen 36 esirtki kontrabandasyna tosqaýyl qoıylyp, 60 adam esirtki ósimdigin ekkeni úshin qylmystyq jaýapqa tartylǵan.

«300-den astam graffıtı jazbalary óshirilgen. Sonymen qatar Qoǵamdyq densaýlyq basqarmasynyń qyzmetkerlerimen oblys aýmaǵynda ornalasqan oıyn-saýyq oryndary men túngi klýbtarda jastar arasynda esirtki zattaryn saqtaý, satý, tutyný derekterin anyqtaý jáne aldyn alý maqsatynda 20-ǵa jýyq shuǵyl shara uıymdastyrylǵan» delingen poltsııanyń habarlamasynda.