Túrkistan oblysynda 465 reseılik avtokólik aıypturaqqa qoıyldy
TÚRKІSTAN. QazAqparat - Túrkistan oblysynda jyl basynan beri 465 reseılik avtokólik aıypturaqqa qoıylǵan, dep habarlaıdy oblystyq PD baspasóz qyzmeti.
Otyrar aýdanynda polıtsııa qyzmetkerlerimen birge jyl basynan beri 515 Reseı Federatsııasynan ákelingen avtokólik júrgizýshilerine ákimshilik hattama toltyrylyp, onyń 465-i aıypturaqqa qoıylǵan. Osyǵan baılanysty otyrarlyq polıtseıler turǵyndar arasynda túsindirme jumystaryn júrgizdi.
Atap aıtar bolsaq, Reseıden ákilgen avtokólikterdiń qujattaryn rásimdeý Qazaqstan Respýblıkasynyń zańnamasyna sáıkes avtokólik tirkelgen mekenjaıǵa baryp, tehnıkalyq baıqaýdan ótýi mindetti ekenin túsindirdi.
Al elektrondy túrde mindetti tehnıkalyq baıqaýdan ótken avtokólik paıdalanýǵa jaramsyz bolyp tabylady. Osy tusta tártip saqshylary atalǵan jaıttar oryn alǵan jaǵdaıda ÁQBtK-niń 590-baby, ıaǵnı «Kólik quraldaryn paıdalaný qaǵıdalaryn buzý» boıynsha ákimshilik shara kóriletinin eskertedi. Sondyqtan ózińizdiń Reseılik avtokóligińiz bolsa, qujattarynyń zańdy bolýyna kóz jetkizińiz.
