Túrkistan oblysynda 42 jastaǵy áıel jıyrma kúnnen beri tabylmaı jatyr
KENTAÝ. QazAqparat - Túrkistan oblysynda 42 jastaǵy áıel joǵalyp ketti, dep habarlaıdy QazAqparat.
Oblystyq polıtsııa departamenti taratqan málimetke sensek, Kentaý qalalyq polıtsııa bólimine joǵalǵan áıeldiń jubaıy aryzdanǵan.
Ol áıeliniń iz-tússiz joǵalǵanyn jazyp, kórsetken.
Joǵalǵan áıeldi tez arada tabý úshin Túrkistan oblysynyń polıtseılerinen arnaıy top qurylyp, jan-jaqty izdestirý jumystary bastaldy.
Búgingi tańda izdestirý jumystarynyń aýqymy keńeıtilip, barlyq oblys, qalalarǵa áıeldiń jeke basy men túr-tulǵasy boıynsha málimetter fotosýretimen birge joldandy.
Túrkistannyń polıtseıleri áıeldiń barýy múmkin aımaqtardy, árbir oryndy jiti tekserip, izdeý jumysyna jumyldyryldy.
Osy tusta, iz-tússiz joǵalǵan Araılym Qasymhanqyzyn aman esen taýyp, otbasyna qaıtarý úshin ony tanıtyn, ne bolmasa kórgen-bilgen adamdar bolsa tez arada polıtsııaǵa habarlasýlaryn suraımyz.
Araılym Qasymhanqyzy 1980 jyly týǵan. 20 qańtar saǵat 01:00 shamasynda turǵylyqty mekenjaıynan belgisiz baǵytqa shyǵyp, búgingi kúnge deıin qaıta oralmaǵan.
Sondaı-aq, joǵalǵan áıeldiń ústinde aq tústi kúrteshe, sur tústi jempir men qara beldemshe, aıaǵynda qara tústi etik bolǵan.
Arnaıy belgileri: boıy 155-160 sm, aryq deneli, shashy qara (uzyndyǵy ıyǵyna deıin)
Іzdeý jarııalanǵan áıel týraly qandaı da bir aqparat bolsa, Kentaý QPB kezekshi bólimine 8(725)3639002, 3-25-03, 3-34-61,8-747-933-19-85, 8-702-640-64-59 nemese polıtsııanyń 102 nómirine habarlaýǵa bolady.
