Túrkistan oblysynda 400 myńǵa jýyq turǵyn MÁMS júıesinde saqtandyrylmaǵan
Bul jóninde oblys ákiminiń orynbasary A.Sabıtovtyń tóraǵalyǵymen ótken óńirlik shtabta aıtyldy.
Júıede áli kúnge deıin saqtandyrylmaǵan 400 myńǵa jýyq adam aqysyz qyzmetterden tys qalyp otyr.
Saqtandyrylmaǵandardyń kópshiligi turaqsyz tóleýshiler. ıAǵnı, olar úshin qandaı da bir aýdarymdar jáne jarnalar turaqty túspeıdi, ne bolmasa tólem durys júrgizilmegen.
Sonyń saldarynan júıede qaryzy qordalanyp, mártebesinen aıyrylady. Demek, tólemderdiń júıeliligin saqtaý mańyzdy.
«Júıege qatysatyndardyń ishinde 15 jeńildetilgen sanattar memleket tarapynan qamtamasyz etilgen. Alaıda, aqparattyq júıelerde atalmysh sanattardyń áleýmettik statýstary anyqtalmaǵandyqtan saqtandyrylý quqyǵynan aıyrylyp qalyp otyr. Osy rette, jeńildetilgen sanatqa jatatyn azamattar tirkelgen emhanasyna baryp áleýmettik statýstaryn anyqtaǵandary jón», - deıdi «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń dırektory A.Beısenbaev.
Qor medıtsınalyq qyzmetterdi tutyný úshin 15 jeńildetilgen sanatqa, shaǵyn jáne orta bıznes qyzmetkerlerine ýaqytsha statýs berý jumysyn júrgizedi.
Jyl basynan beri «Qoldau 24/7» mobıldi qosymshasynda 174 ShOB qyzmetkerine, 33 80 jeńildetilgen sanattaǵy turǵyndarǵa ýaqytsha statýs berildi.
Ýaqytsha statýs olarǵa rastaıtyn qujattardy usynýǵa jáne jeńildik sanatqa oralýǵa múmkindik beredi.
Sodan keıin olar úshin MÁMS jarnalaryn memleket tóleıdi.
MÁMS júıesinde saqtandyrylǵan tulǵanyń mártebesi týraly suraqtar týyndasa, jarnalar men aýdarymdardy tóleýge baılanysty qordyń 1406 biryńǵaı baılanys ortalyǵyna, Qoldau 24/7 mobıldi qosymshasyna, Telegram-daǵy «SaqtandyryBot», fms.kz resmı saıty arqyly habarlasýǵa bolady.
