Túrkistan oblysynda 40 myńǵa jýyq adam vaktsına aldy
TÚRKІSTAN. QazAqparat - Túrkistan oblysyna aqpan aıynan beri «Spýtnık V» vaktsınasynyń 33 400 doza jetkizilip, kúni búginge deıin 33 400 adam 1 komponentti egildi. Ekinshi komponent 11 572 adamǵa salyndy, dep habarlaıdy, QazAqparat tilshisi.
Túrkistan qalalyq emhanasynyń bas dárigeri Raıymbek Tasyrbaevtyń aıtýynsha, sońǵy táýlikte oblysta 27 adamnan COVID-19 indeti anyqtalǵan. Táýliktik ósim 0,57 %. Jalpy oblysta pandemııa beleń alǵaly 4 712 adam vırýs juqtyryp, memlekettik PTR zerthanalarynyń sany 10-ǵa deıin ósti. Koronavırýs juqtyrǵan 300-den asa naýqas aýrýhanaǵa jatqyzylsa, eki adam jansaqtaý bóliminde em qabyldaýda.
«Sáýir aıynyń sońyna deıin jalpy – 72 100 doza jetkizý josparlanǵan. Vaktsına saqtaıtyn qoımada kólemi 601 lıtr eki muzdatqysh jetkizildi. Sonymen qatar, oblystyq bıýdjet esebinen kólemi 143 lıtr 20 muzdatqysh alynǵan. Vaktsınatsııa júrgizýge arnalǵan 65 pýnkt tolyq tońazytqyshpen jabdyqtalǵan. Budan bólek, vaktsınany tasymaldaıtyn kólemi 50 lıtr 38 termokonteıner tolyq qamtamasyz etilgen», - deıdi Raıymbek Tasyrbaev.
