Túrkistan oblysynda 4 myńnan astam jas áskerge attandy
TÚRKІSTAN. QazAqparat – Túrkistan oblysynda áskerge shaqyrý naýqany qorytyndylanyp, elimizdiń qarýly kúshteri men basqa da áskerı qurylymdarǵa 4 myńnan astam jas jiberildi. Bul týraly óńirdiń qorǵanys isteri jónindegi departament bastyǵy, polkovnık Nurmahanbet Dúısebaev málim etti, dep habarlaıdy QazAqparat tilshisi.
Nurmahanbet Dúısebaevtyń aıtýynsha, áskerge shaqyrylýshylar men áskerı qyzmetshilerdiń koronavırýstyq ınfektsııany jappaı juqtyrýyn boldyrmaýǵa múmkindik beretin sanıtarlyq-epıdemıologııalyq sharalar ýaqtyly júrgizilgen. Sonymen qatar, joǵary bilimdi áskerge shaqyrylýshylar men oblysta jumys isteıtin áskerı-patrıottyq klýbtardyń qabyrǵasynda oqý men shyńdaýdan ótkenderdiń sany artqan. Atap aıtqanda, tek 2020 jyldyń kúzgi naýqanynda joǵary bilimi bar 180-ge jýyq azamat ásker qataryna alynǵan.
«Óńirde sanıtarlyq-epıdemıologııalyq jaǵdaıdy eskere otyryp, 2021 jyly shaqyrýdy sapaly uıymdastyrý jóninde nusqaýlar berildi. Qyzmettegi joǵary kórsetkishteri úshin úzdik basqarmalar men bólimder, jekelegen áskerı qyzmetshiler men qyzmetshiler gramotalarmen jáne alǵys hattarmen marapattaldy»,- dedi departament bastyǵy.
